Mae Llyfrgell Llandysul yn cael ei redeg gan wirfoddolwyr mewn partneriaeth a Llyfrgelloedd Ceredigion. Golyga hyn ein bod yn rhan o deulu Llyfrgelloedd Ceredigion ac nid un llyfrgell fechan ar ei ben ei hun. Mae gennym fynediad i gatalog a’r E-Lyfrgell lyfrgelloedd Ceredigion.
Rydym ar agor Dydd Mawrth 10yb - 4yp; Dydd Iau 10yb – 1yp; Dydd Sadwrn 10yb-12yp.
Eich dewis chi fydd faint o amser fedrwch ei gynnig, ac nid oes angen unrhyw brofiad blaenorol.
Dyma ateb ambell i gwestiwn sydd efallai gennych:
- NA does dim rhaid i chi ddod bob wythnos – mae gwaith ac ymrwymiadau teuluol yn golygu taw dim ond ychydig ohonom sy’n gallu cynnig hyn.
- NA Ni fydd yn ofynnol i chi gwblhau llawer o waith papur. Os taw un o’ch cryfderau yw hyn, gadewch i ni wybod.
- NA Nid oes angen profiad o fod yn llyfrgellydd – byddwch yn derbyn hyfforddiant a chefnogaeth.
- NA Nid yw’n ymrwymiad gydol oes.
- GALL unrhyw un wirfoddoli.
- YDY mae’n edrych yn dda ar CV yn enwedig os ydych yn fyfyriwr neu am ddychwelyd i fyd gwaith.
- YDY Mae’n hwyl ac yn rhoi boddhad.
- YDY Mae’n wych i deimlo’n rhan o’r gymuned.
Os ydych yn medru cynnig ychydig o’ch amser i helpu Llyfrgell Llandysul, os gwelwch yn dda e-bostiwch eich manylion at [email protected] neu adael eich manylion cysylltu yn y llyfrgell.
Rydym yn edrych ymlaen i glywed oddi wrthych.
Grŵp Cefnogwyr y Llyfrgell Llandysul